నవతెలంగాణ -గట్టు
ఎమ్మెల్యే బండ్ల కృష్ణమోహన్‌ రెడ్డి ఇచ్చిన హామీ మేరకు మండలంలోని వివిధ గ్రామాల్లో ఫంక్షన్‌ హాల్స్‌ నిర్మాణంకోసం నిధులను కేటాయించారు. అందు లో భాగంగా శనివారం ఎల్లందొడ్డి, ముచ్చోనిపల్లి గ్రామాలకు 2 ఫంక్షన్‌ హాల్స్‌ మంజూరైయ్యాయి. ముచ్చోనిపల్లిలో ఫంక్షన్‌హల్‌ నిర్మాణానికి కావాల్సిని స్థలాన్ని కుర్వ నరసింహులు దానంగా ఇచ్చారు. దీనికి సంబంధించిన పత్రాలను ఎంపీపీ, జెడ్పీటీసీ, గ్రామస్తుల సమక్షంలో పంచాయతీకి ఇచ్చారు. దీంతో అందరూ ఆయనకు ప్రత్యేక కృతజ్ఞతలు తెలిపారు. ఇందులో రూ. 20 లక్షల వ్యయంతో ఫంక్షన్‌హాలు నిర్మాణానికి జెడ్పీటీసీ బాసుశ్యామలతో కలిసి ఎంపీపీ విజరు కుమా ర్‌ భూమిపూజ చేసి పనులను ప్రారంభించారు. సకాలంలో పనులు చేపట్టి ఫంక్షన్‌హాల్‌ నిర్మాణాన్ని పూర్తిచేయాలని కాంట్రాక్టర్‌ను ఆదేశించారు. జెడ్పీటీసీ బాసుశ్యామల మాట్లాడుతూ.. ఎమ్మెల్యే బండ్ల కృష్ణమోహన్‌ రెడ్డి ఎన్నికల సమయంలో మనందరికీ ఇచ్చిన హామీమేరకు ఎమ్మెల్యే స్పెషల్‌ డెవలప్మెంట్‌ ఫండ్‌ నుంచి నిధులు కేటాయించారని అన్నారు.ఈ ఫంక్షన్‌హాల్స్‌ అన్నింటిని వచ్చే డిసెంబర్‌ చివరి నాటికి పూర్తిచేసి ఎమ్మెల్యే చేతులమీదుగా ప్రారంభం చేయిస్తామన్నారు. ప్రతి గ్రామంలో ఫంక్షన్‌ హాల్స్‌ నిర్మాణం చేయడం ద్వారా గ్రామంలోని ప్రతి కుటుంబంలో జరిగే చిన్న మరియు పెద్ద శుభకార్యాలకు పెండ్లిలకు ఎంతో ఉపయోగకరంగా ఉంటాయన్నారు. ఈ సందర్భంగా ఫంక్షన్‌ హల్స్‌ నిర్మాణానికి నిధులు కేటాయింపునకు సహకరించిన ఎమ్మెల్యే బండ్ల కృష్ణమోహన్‌ రెడ్డికి ప్రత్యేక కృతజ్ఞతలు తెలిపారు. ఈ కార్యక్రమంలో సర్పంచులు మొరుసుబావి రాధిక, చిన్న గోవిందు, మాజీ సర్పంచ్‌ నర్సింహులు, టీఆర్‌ఎస్‌ నాయకులు గోవిందు, ఆంజనేయులు, చిన్న వెంకటరాములు, సోములు, కే నరసింహులు, ఆవుల ఆంజనేయులు, బజారి, పంచాయతీ కార్యదర్శి తిమ్మప్ప, శివప్ప, గుడిసె నరసింహులు, వీరేష్‌ రామాంజనేయులు పాల్గొన్నారు.
