నవతెలంగాణ-పటాన్‌చెరు
తెలంగాణ వీర వనిత, నేటి తరానికి స్ఫూర్తి ప్రదాత చాకలి ఐలమ్మ పోరాట స్ఫూర్తిని నేటి తరాలకు తెలియజె ప్పాలన్న సమున్నత లక్ష్యంతో నియోజకవర్గ కేంద్రమైన పటాన్‌చెరు పట్టణంలోని సాకి చెరువు కట్టపై కాంస్య విగ్రహం ఏర్పాటు చేస్తున్నట్టు ఎమ్మెల్యే గూడెం మహిపాల్‌ రెడ్డి అన్నారు. ఆదివారం ఉదయం సాకి చెరువు కట్టపైగల తెలంగాణ అమరవీరుల స్తూపం ఆవరణలో ఐలమ్మ విగ్రహ ఏర్పాటుకు భూమి పూజ నిర్వహించారు. ఈ సందర్భంగా ఎమ్మెల్యే మాట్లాడుతు చాకలి ఐలమ్మ స్ఫూర్తితోనే ముఖ్య మంత్రి కేసీఆర్‌ ప్రత్యేక తెలంగాణ రాష్ట్రాన్ని సాధించారని గుర్తు చేశారు. పటాన్‌ చెరు నియోజకవర్గంలోని వివిధ గ్రామాల్లో ఐలమ్మ విగ్రహాలు ఏర్పాటు చేస్తున్నట్లు తెలిపారు. రాజకీయాలకు అతీతంగా అన్ని వర్గాల సంక్షేమమే లక్ష్యంగా ప్రభుత్వం పనిచేస్తుందని అన్నారు.ఈ కార్యక్రమంలో పటాన్‌ చెరు కార్పొరేటర్‌ మెట్టు కుమార్‌ యాదవ్‌, మార్కెట్‌ కమిటీ చైర్మన్‌ విజరు కుమార్‌, టిఆర్‌ఎస్‌ పార్టీ నాయకులు గూడెం మధుసూదన్‌ రెడ్డి, పార్టీ పట్టణ అధ్యక్షులు అఫ్జల్‌, నాయకులు, కార్యకర్తలు పాల్గొన్నారు.
